|
SULDAAN YARE BOODEY BAAN BEYT
YAR ORANAYAA!
(Soomaaliya,
January 11, 2010 Ceegaag Online)
Waxaa mahad iska leh Allaha maamulka Koonkani gacantiisu
ku jirto, sidaan la wada socono waxaa beryahan ku dhex
faaftay webabka afsoomaaliga ku soo baxa iyo dhamaan
degaamada Soomaalidu degto sheekada ama qadiyada kuul
carre oo ah sheeko ku saabsan qoys habaryoonis ka lumay
waqti hore, qoyskan sheekadiisu waxay soo Shaac baxday ilaa
tobankii sano ee ina dhaafay sidaan wada ognahay waxaa la
sameeyey baaris taariikheed oo ay wadeen reerka ama beesha
qoysku ka lumay oo ah beesha H/yoonis oo ay waajib tahay
inay raadiyaan reerka ka maqan, Labadii sano oo ina
dhaafay ayey arintani si xawli ah u soo banbaxday ka dib
markii ay hawsha soo galeen salaadiin, Aqoonyahano,
Waxgarad iyo Qurbajoog badan oo ku kala nool dhammaan
qaaradaha dunida.
Kuwaas oo cadeeyey Taariikhda Ilma care oo beri hore
lumay, qaarkoodna la helay sida Damal muuse ayna maqan
yihiin sida Dandaan Carre iyo Kuul Care Hadalkan waxaa
yiri Suldaan Maxamed xirsi qani 25kii bishii Ramadaan ee
sannadka ka dib markii uu isagoo Hargeysa jooga uu Khadka
telefoonka ku soo xiray suldaan Yuusuf Xiiray oo wadanka Ingiriiska
joogay si uu uga qayb galo shir ay isugu yimaadeen dad meelo
badan shirka lagaga soo xiray qurbahana u badnaane Dadkaas
oo ka koobnaa dhammaan ardaayada H/yoonis iyo Kuul Care,
hadalkii suldaanku waxuu ahaa sidan;
Aabahay oo Xamar aadaya ayaa igu yiri markaan soo noqdo
waxaan galo waxaa ugu horaynaaya Hawsha Kuul care, markaa
Dhegaha ii fura reerka kuul carow waxaan oofinayaa
dardaarankii Aabahay, anigoo yarna waan ogaa inay maqan
ilma carre Dandaan Kuulcare, sheeko dheer ka dib waxuu
cadeeyey inuu shir qaban doono shirkaas oo uu isugu yeeri
inta afsoomaali ku hadasha si uu uga dhaadhiciyo in
maalinta shirka laga bilaabo in Kuul carre loola dhaqmo
Ardaa ka mid ah ardaayada Habaryoonis Haddii ay noqon
lahayd guur iyo dhaqanba cidii ay wax dhex maraana ha u
aqoonsato inay wax dhex mareen qoys habaryoonis ah, waxuu
ballan qaaday inuu qodobadan soo socda oofin doono;
-
In reerka Kuulcarre yahay
Ardaaga 19naad ee H/yoonis.
-
Waxuu sheegay inuu
Kuulcare dejin doono degaan ka mid ah degaamada H/yoonis
-
In ninkii ka horyimaada
arinta Kuul Carre laga qaadi doono talaabo sharci oo ay
ka midaysan tahay Habaryoonis.
-
In cidii ay wax dhex
maraana ay ula dhaqanto sida Ardaa ka mid ah Ardaayada
H/yoonis.
Anigoo hadalka soo ururinaaya waxaa dhacday maalmahii ina
dhaafay inuu Hargeysa ka degay Garaadka Beesha KuulCare
Ahmed Diiriye Gelylan iyo wafti uu hogaaminaayo kaasi oo
shacbiga Soomaliland si laab iyo qalbi furnaan ah u soo
dhoweeyeen. Suldaanka sheekadu ku socoto Suldaan Mahamed
suldaan Hirsi qani waxuu ka mid ahaa dadkii Garaadka wax
ka soo dhoweeyey iyo Saladiintii uu la shir markii uu Hargaysa
yimi, waxaase layaab noqotay in maalintii labaad suldaanka
iyo toban suldaan oo kale ay soo saareen Bayaan Argagax ku
noqotay ummada Somaliland, waayo Odayga waxaas lagama
filayn Marka la eego waxyaabahii aan ka soo sheekeeyey.
Soomaalidu waxay ku maahmaahdaa (Nin intuu yiri diidaa
waxuu diidaa intuu dhalay buu diidaa). Gebagebada
Suldaanada waxaa lagu yiqiin Miisaan iyo inay yihiin dadka
Ummada ugu hadal cad uguna hufan.
Buraanbur Ma doonaynin Baabkiisa inaan Furee!
Suldaan yare booday baan bayt yar oranayaa.!
Anoo Hadh qaboow fadhiya Hawla aan ku jirin,!
Dhalaankuna ii hurdaan Qaar hadaaqayaan.!
Ragii buumka ii tumee soo bax igu yidhoow.!
Walaal Bahday baad tahoo Beri horaad luntee.!
Bayaan baa kuu hayaa Gogolna kuu baraxay.!
In badan igu boorinaayee aan badh diidayoow.!
Haddana qawlkoodii beenshee qodbahii ka baxay.!
Sifahan iga Hooya si Qabowna Haw Arkina.!
Sooyaalka Taariikhda iyo Sadaradii waqtiga.!
Rag soo saareene wax badan Sahanka ugu jireen.!
Markay Sare Joogsatee Saacadeedu timi.
Ma waxaa la Saluugay Saada KuulCare'ah.?
Suldaan Cabdi Qaniyow Hadalkayga Sumad ku dhigo.
Suldaan Hadalkiisu socon waayey waa Saluug.
Adigu socotayee Rag baa Samaha Reerka wada.
|
