|
Walaaca
Dawladda Maraykanka ee Somalia iyo Qulqulka Dhalinyaradda
soomaalida Americanka ah.
(Washington, September 05, 2009 Ceegaag Online)
Waxaa sii
kordhaya Walaaca Dawlada Maraykanku ka qabto
somalia
marka la eego hanaanka ay Al-Qaacida qeybta uga tahay
Dagaaladda somalia hadaba Sarkaalka ugu sareeya Laanta Sirta
ee dalka Mareykanka ee dibadaha qaabilsan ayaa shaaciyey in
ay dalka Soomaaliya soo galaan qaar ka mid ah Madaxda Sare
ee Ururweynaha AL-Qaacida oo uu dagaal adag kala dhaxeeyo
dowladda Mareykanka, sida uu sheegay.
Agaasimahan
ayaa xaqiijiyey in ay heleen macluumaad dheeri ah oo la
xariira arrimahan, ayna ku jiraan dabagal aan ku sameyno
dadaalo baahsan oo ku aadan arrintaasi, isagoo sheegay in ay
la kaashanayaan arrintaasi Sirdoonka dowladda Faderaalka ee
Soomaaliya ,CIA-da ayaa sidoo kale sheegtay in ay
Saraakiisha Al- Shabaab wada hadal lagashay kooxda Al-
Qaacida, ayna ubalan qaaday in ay difaaci doonaan, ayna siin
doonaan goobo ay joogi karaan oo aysan cidna ku heysan, waa
sida lugu qoray warbixin bishiiba mar ka soo baxday
Sirdoonka Americanka.
Sarkaalkani
ka tirsan Sirdoonka CIA-da ee Americanka oo hadalkiisa sii
wata ayaa sidoo kale sheegay in ay Kooxaha la dagaalamaya
dowladda Soomaaliya ay heleen hub badan iyo lacag uu sheegay
in ay ku taageereen qaar ka mid ah dhinacyada Soomaalida,
wuxuuna sheegay in lacag badan looga aruursho dalalkan
dibada, isla markaasna loo diro gudaha dalka Soomaaliya.
Warbixintan
ayaan meesha ka saarin in Dhalinyaro badan oo soomaali
jihaad doon ah u baqooleen Somalia si ay uga barbar
dagaalaaman Kooxaha ka soo horjeed Dawladda KMG ah ee
somalia iyadoo ilaa hadda ay ku dhinteen 4 dhalinyaro
soomaali Maraykan ah Dagaaladda ka socda Magaaladda Muqdisho.
Marka Taasi laga soo tago waxaa qaar ka mida Jariidadaha
Dibadu maanta qoreen warbixin ku saabsan in Wiilkii 5-aad oo
Soomaali Maraykan ah oo lagu magacaabo Maxamuud Xasan oo
23-jir ah dhiganayayna Jaamacadda
University
of Minnesota uu dagaalada Muqdisho ka socda ku
dhintay ,Wiilkani ayaa la sheegay inuu ku dhintay dagaal
habeenkii Jimcihii dhexmaray xoogaga xarrakada Al-shabaab
iyo ciidamada AMISOM sida uu qoray Wargays ka soo baxa
Magaalada
Minnesota ee Dalka Maraykanka.
Geerida wiilkaasi Soomaali Maraykanka ah ayaa la sheegay in
laga soo xigtay wiil ay saaxiibo ahaayeen Marxuumka oo weli
ku sugan Minnesota, sidoo kale waxaa geerida Wiilkaasi qiray
ehelladiisa oo iyagu sheegay inay soo gaaratay in wiilkooda
uu ku dhintay Magaalada Muqdisho.
Wiilkaan
geeriyooday Maxamuud Xasan ayaa ka baxay dugsiga sare ee
Roosevelt sannadkii 2006-dii, waxayna saaxiibadii sheegeen
in lagu naynaasi jiray Maska 'Snake', wuxuuna magaciisa ku
badalay Soomaaliya markii uu yimid Bashiir, wuxuuna
Wiilkaasi dhigan jiray markii uu Maraykanka joogay qaybta
Engineering wuxuuna ka mid ahaa dhallinyaro Soomaaliyeed oo
2008-dii dib ugu laabtay dalkooda, iyadoo mas'uuliyiinta
gobolka Minnesota ay sheegeen inay ka mid noqdeen Xarakada
Al-shabaab.
Isku
soo wadda Walaaca dawladda Maraykanka ayaa sii xoogaystay
tan iyo intii ay bilaabantay in Dhalinyaradda somalida
Maraykanku u kicitimaan somalia, waxaana hadda xabsiyada
Gobolka Minnesota ee dalka Maraykanka ku jira Saddex wiil oo
ka mid ah dhallinyarada Somali-Maraykan ah kuwaas oo ku
eedeysan inay ka qaybgaleen dagaalladii u dhexeeyaya Al-shaabab
iyo ciidankii Itoobiyaanka ee ka dhacay Soomaaliya sanadkii
2006-dii, iyagoo haatan ah xukun sugayaal.
www.ceegaag.com
webmaster@ceegaag.com |
