Bayla badeeda
oo lasumeeyay iyada oo maraakiinta shishiiyana ay dul
hoganayaan xeebaha Soomaaliya yaa badeena sumeenaya?
(Bayla,
G.Karkaar. March 01, 2009 Ceegaag Online)
Wararka inaga soo gaaraya
Xeebta degmada Bayla ee gobolka Karkaar ayaa sheegaya in
halkaasi uu kusoo caariyay Haan Booyadeed, Haantaa ayaa
Argagax galisay dadkii deegaanka deganaa haantan oo ay
ka buuxaan sunta khashinka hadhaaga warshadaha.
Gudoomiyaha degmada Bayle
Faarax C/lle Cabdi oo ka hadlay arrintan ayaa waxaa uu
sheegay qatarta ka dhalan karta hadii ay dilaacdo haantan
taasoo sidoo kale walaac fara badan ay ka muujinayaan
dadweynaha ku nool hareeraha xeebta.
Qaar badan oo ka mid ah
dadkan ayaa ka cararay deegaanadooda si ay uga fogaadaan
qatarta ka imaan karta haantan oo suurtagal ay tahay in ay
dilaacdo.
Haan booyadeedkan
ayaa lasheegayaa in ay tahay cabir ahaan mid qaadi karta
illaa 90-fuusto oo biyo ah isla markaasina la dareemi karo
sunta ay xambaarsantahay, waxaana loogu baaqay hey’adaha in
ay kasoo gaaraan suntani oo ay dib u eegaan.
Horey ayaa xeebaha
Soomaaliya loogu arkay haaman sidani oo kale ah inkastoo
hey’ado dalka soo gaaray ay haamahaasi u qaadeen goobo aanan
la ogeyn lakin waxa uu kusoo beegmayaa xilli xeebaha
Soomaaliya ay aad u soo dhoobteen Maraakiibta shisheeye ee
sheeganaya in Burcad badeedka ay ka ilaalinayaan Xeebaha
Soomaaliya si aysan maraakiibta u afduuban.
www.ceegaag.com
webmaster@ceegaag.com |
