Midawga Yurub
oo ku baaqay in Ciidamadda AMISOM la siiyo awood ay dagaal
ku qaadi karaan.
(Brussels.
July 02, 2009 Ceegaag Online)
Madaxa
Ururka Midowga
Europe ugu qaabilsan Arrimaha Horumarinta iyo
Kaalmadda Aadanaha, Luwiis Misheel ayaa hadalkaasi ku
sheegay Wareysi uu siiyey Wakaalladda Wararka ee Reuters,
isagoo ku sugan Madasha ay Hoggaamiyayaasha Dowladaha
Afrikaanka ku shirsan yihiin ee magaalladda Sirti ee dalka
Jamaahiirta Liibiya.
Louis Michel oo ah Madaxa Midowga Yurub u qaabilsan
Arimaha Horumarinta iyo Kaalmooyinka Bani-aadamnimo ayaa u
sheegay Wakaaladda Wararka ee Routers "Ciidamada Midowa
Afrika ee ka kooban 4300 oo Askari isla markaana ilaalinaya
Xarumaha Xukuumadda ee Caasimadda waxay u Baahanyihiin in
Fasax loo siiyo in ay la Macaamilaan Xaaladda".
Isaga oo sii wata Hadalkiisa ayaa uu yiri "Anagu
waxaan u Baahanahay… aragtidayda in Awooda AMISOM wax laga
badalo oo Awood iyo xoriyad loo siiyo inay Dagaal qaadaan oo
ay ka qeyb galaan Dagaaladda lagula jiro Falaagadda si
Dheeli-tirnaan loo helo waxaa Waajib ku ah Dowladaha
Ajnabiga ah in ay Taageeraan xoojinta Awoodda Xukuumadda KMG
ah si ay iskaga caabiso Xag jirayaasha, waana in la siiyo
Dhaqaale, Tabo bar si ay ugu Noqoto Kaalmo xagga Ciidamada
Milatariga iyo Booliiska ah".
Gabagabadi ayaa uu waraysigisa ku tilmaamay
inay ka urur ahaan la garabtaaganyihin dawladda somalia
Taageero walba isagoo sheegay in wadamadda shisheeye oo idil
aanay u kala harayn sidii looga difaaci lahaa dawladda
somalia xoogaga Muqaawamadda.
Sidoo kale Wasiirka u Qaabilsan Ingiriiska
Arimaha Siyaasadda Afrika Lord Mark Malloch Brown ayaa
sheegay in ay Filayaan in Shirka Midowga
Afrika looga hadlo sidii Dib loogu fiirin lahaa Awood
ay AMISOM haysato isla markaana loo ogolaado inay Weeraro ku
qaadi karaan Xoogaga Islaamiyiinta.
www.ceegaag.com
webmaster@ceegaag.com |
