Culimada
Islaamka ee dunida oo Muqdisho ka bilaabay Dhaxdhaxaadinta
Al-shabaab iyo Dawlada
(Muqdisho, February
21, 2009 Ceegaag Online)
Lix
Caalim oo ka tirsan Culimada islaamka ee caalamka aynu ku
noolnahay ayaa soo gaadhay magaalo madaxda Soomaaliya ee
Muqdisho. Lixdan nin ayaa kasoo kicitimay wadankii laga
afganbiyay xukuumadii Cismaaniyiinta ee difaacasay dunida
Islaamka lix kamida todabada qarni ee u danbeeyay taariikhda
caalamka waa magaalada Istanbuul ee xarunta dalka Turkiga.
Culumadan ayaa waxaa hormood u ah
Shiikh
C/raxmaan Nuceymi oo maanta Ceegaag
Online iyo saxaafada kalaba u sheegay inay
dhaxdhaxaadinayaan Kooxaha xaga diinta isku haya ee reer
Soomaaliya waa ururka Alshabaab iyo dawlada uu hogaaminayo
haatan Sheekh Shariif iyo Raysal wasaare Cumar Cabdirashiid.
Sheekh
C/raxmaan Nuceymi ayaa sheegay inuu soo diray Gudoomiyaha
Culumada islaamka Sheekh Yuusuf Al Qardaawi. Oo si qayaxan u
shaagay inuu dhexdhaxaadinayo reer Soomaaliya hadii ay isku
hayaan masalo diini ah!!!!.
Culimadan ayaa ogolaansho ka haysata dhamaan kooxaha haatan
isku haya Koonfurta Soomaaliya, iyagoo ku kala saari doona
Kitaabkeena muqadaska ah hadii aysan jirin cid diidan, mana
jirto ilaahada cid si qayaxan ama dadbanba u diiday
kitaabkeena muqadashka iyo Dastuurkaba inoogu ah.
Su'aasha
Haatan hortaala reer
Soomaaliya shaatikasta iyo cimaamad midabkaydoonto leh oo ay
gashan yihiin ayaa ah ma waxay isku hayaan masalo diini ah
mise wax kale ayaa u qarsoon oo XUKUNDOONIMO ah!!!.
www.ceegaag.com
webmaster@ceegaag.com |
