|
Sheekh
Shariif oo ka warbixiyay Safarkiisa uu ku yimid
Magaalada Muqdisho
(Muqdisho, December
11, 2008 Ceegaag Online)
DAAWO
VIDEO
Sidii
loogu soo dhaweeyay Sheekh Shariif Sheekh Axmed Muqdisho
Hoggaamiyaha kooxda mucaaradka ee fadhigooda yahay dalka
Jabuuti Sheekh Shariif Sheekh Axmed ayaa sheegay in
Madaxweynaha Dowladda Federaalka Soomaaliya C/llaahi
Yusuf uusan awood u leheyn in uu is hor taago heshiiska
ay Dowladda iyo Isbeheysiga kuwada gaareen dalka Jabuuti.
Sheekh
Shariif oo maanta shir jaraa'iid ku qabtay Hotelka
Lafweyn oo ay degan yihiin isaga iyo wafdigii uu
horkacayay ee shalay soo gaaray Magaalada Muqdisho ayaa
sheegay in imaatiinkiisa Xamar uu qeyb ka yahay
heshiiskii dhawaan ku dhex maray Dowladda Federaalka iyo
isbeheysiga iyo dhaqan galka heshiiskaasi.
“Waxaan
la kulmaynaa xoogaga Muqaawamada ee ku sugan gudaha
dalka,odayasha dhaqanka,bulshada rayidka,haweenka iyo
dhalinyarada oo aan kala hadlayo sidii nabad loogu soo
celin lahaa dalka Soomaaliya iyo in aysan dhicin
dhibaatooyin iyo dagaalo dhex mara Soomaalida maadama ay
ka baxayaan dalka ciidamada Itoobiya “ayuu yiri Sheekh
Shariif.
Isagoo
ka jawaabayay hadal dhawaan ka soo yeeray Madaxweynaha
Dowladda Federaalka C/llaahi Yuusuf oo sheegay in dadka
Jabuuti ku heshiiyay ay yihiin hal beel oo kaliya ayuu
Shariifku hadalkaas waxaa uu ku tilmaamay mid been ah oo
aan wax sal ah lahayn.
“Warkaas
waa Been, C/llaahi isaga ayaa soo dirsaday Axmed C/salaan,
muxuu u soo dirsan waayay nin beeshiisa ah, waxaa
habooneed in uu soo dirsado masuul isaga ku beel ah
hadii uu ku micneeyay in heshiiskii Dalka Jabuuti ay hal
beel ku heshiiyeen" ayuu yiri Sh Shariif.
Sheekh
Shariif ayaa waxaa kaloo sheegay in madaxweyne
Madaxweyne C/llaahi Yuusuf uu xilka hayay ku dhawaad
4-sano isla markaana wax uu qabtay aysan jirin, ujeedka
uu uga soo hor jeestayna shirkasi uusan aheyn dano
Shacabka Soomaaliyeed balse uu uga soo hor jeestay dano
isaga u gaar ah.
Shir
jaraa`dkana halkan
ka
Dhageyso
www.ceegaag.com
webmaster@ceegaag.com |
