|
Aqoon
Isweydaarsi maalintii 8-aad Culumadda Ahlu Sunah Waljameeca
uga socda Hotel Global ee Magaalada Muqdisho.
(Muqdisho, Aug 05,
2008 Ceegaag Online)
Waxaa
maalintii 8aad galay Aqoon isweydaarsi ballaaran oo Culimada
Ahlu Sunaha Waljamaacah uga socda Hotelka Global ee
Magaalada Muqdisho, iyadoo Dood Cilmiyeedkan uu yahay mid
Culimada ku kala aragti qaadanayaan, kaas oo ku wajahan
Xaaladaha cakiran ee ka jirta Dalka Soomaaliya.
Culimada ka qeyb qaadatay dood cilmiyeedkan ballaaran ee ka
socda Hotel Global ayaa waxaa ka mid ah Culumo dalka aad
looga yaqaana waxaa ka mid ah Sheekh Muuse Sheekh Xasan
Cadde, Sheekh C/rashiid Sheekh Xuseen Cadde, Sheekh C/qaadir
Maxamed Sheekh Soomow, Sheekh Muuse Mara Cadde iyo Sheekh
Muuse Caga-weyne.
Culimadu ayaa waxay Dood cilmiyeedkan diirada ku saarayaan
sidii ay Bulshada Soomaaliyed wacyi gelin dhinac kasta leh
ugu sameyn lahaayeen iyagoo ka shidaal qaadanaya,
dhibaatooyinka haatan bulshada Soomaaliyed soo wajahay, sida
Dilalka foosha xun ee qorsheysan ee lagula kacayo dadka wax
tarka u leh Bulshada, sida Siyaasiyiinta, Aqoonyahanada,
Saraakiisha, Culimada iyo Shaqaalaha Sama falka iyo Haweenka.
Dood
Cilmiyeedkan ayaa sidoo kale waxay Culimada isku
tusaaleynayaan Doorka Shariifka ah ee kaga aadan sida ay uga
qeyb qaadan lahaayeen wacyi gelinta iyagoo u maraya wadiiqad
kasta ee bulshada lagu gaarsiin karo sida Masaajidyada,
Aqoon isweydaarsigan oo kale iyo mowlacyada iyo wixii la mid
ah si ay Culimadu ugu sara kacdo, in ay wax ka qabtaan
xaaladaha murugada leh ee 18-kii sano ee ugu dambeeyay la
daalaa dhacayay Shacabka Soomaaliyeed.
Culimadu ayaa waxay dood cilmiyeedka isku weydaarsadaan
fikrado iyo aaraah ku aadan xaaladaha soo noq noqday ee mar
walba ku dhacaya shacabka isla markaana abuuray barakac iyo
in qoysas badan ay ka hayaamaan Gudaha Dalka soomaaliya
kuwaas oo badaha ku halaagsamaya, iyo sidoo kale kuwo ku
jira xabsiyada Dowladaha Kenya, Ethiopia, Sudan, Libya,
Talyaaniga, Turkey-ga, Ugandha, Tanzania, iyo Malta.
Baaqyada Culimadu ayaa waxay yihiin kuwo lagu muujinayo sida
ay uga xun yihiin dhibaatooyinka ka taagan Caasimada oo ku
habsanaya shacabka, waxaana ay sheegeen in ay u istaagi
doonaan sidii ay uga qeyb qaadan lahaayeen in shacabka ku
wacyi geliyaan sidii looga fogaan lahaa waxa ay Diintu
reebtay sida Dilka Birimageydada ee qofka Muslimka ah loo
geysanayo.
www.ceegaag.com
webmaster@ceegaag.com |
