|
Kooxda Caanka ah ee Real
Madrid ayaa Hanatay Koobka Horyaalka Spain.
(Madrid Spain,
June 18, 2007, Ceegaag
Online)
Kooxda Real Madrid ayaa kaga adkaatay Kooxda Mallorca 3:1
sidaasna ku hanatay Koobka Horyaalka Spain markii 30aad
sidii loo bilaabay sanadku markuu ahaa 1928.
Holyaanka Spain ayaa labadii bilood ee tagay xiisihiisu sii
kordhayay ilaa Ciyaartii u dambeesay ee caawa lagu kala
qaado, iyadoo Real Madrid aysan qaadin afartii sano ee
udambeesay.
Qaybtii hore ee ciyaarta ayaa Mallorca waxaa Gool u dhaliyay
Ciyaaryahanka Varela, sidaasna lagu kala nastay 1:0 Real
Madrid oo ku gacan sareesay Ciyaarta inteeda badan ayaa J A
Reyes Goolka koowaad iyo ka sadexaad u dhaliyay halka
Ciyaaryahanka u dhashay wadanka MALI ee Mahamadou Diarra u
dhaliyay Goolka labaad sidaasna ay ciyaartu ku dhamaatay 3:1
oo ayna Real Madrid ku hanatay Koobka Horyaalka Spain.
Ciyaartan caawa waxay ahayd mid lagu sii sagootinayo
Labada Ciyaartooy ee kala ah Roberto Carlos iyo
David Beckham oo ka tagaya naadiga Real Madrid.
Waxaa caawa ciyaarta goobjoog ka ahaa jilaaga caanka ah ee
Tom Cruise iyo xaaskiisa Katie Holmes oo u yimid in
ay taageeraan saaxiibkooda David Beckham iyagoo ag fadhiyay
Xaaskiisa Victoria Beckham, halka ciyaaryahanka Teniska ee
Rafael Nadal uu isna taageero buuxda siinayay
saaxiibadiisa Raul iyo Iker Casillas oo labada uciyaara
Kooxda Real Madrid.
Daawo
sawirada.
            
LMA
bernabeu_nabil@hotmail.com
www.ceegaag.com
webmaster@ceegaag.com |
