Toban ka mid ah
dhalinyarada Soomaaliyeed oo tababar looga furay xarunta
hay’adda SCERDO ee magaalada Edmonton.
(Edmonton, Feb 18, 2012 Ceegaag Online)
Hay’adda waxbarashada iyo
horumarinta reer miyiga ee SCERDO ayaa week-gan magaalada
Edmonton ee xarunta gobolka Alberta tababar lagu baranayo
xirfadaha kala duwan ee shaqooyinka uga furtay 10 dhalinyaro
Soomaaliyeed oo ku nool Magaalada Edmonton.
Tababarka oo socon doona muddo lix bilood ah ayaa
dhallinyarada waxaa lagu barayaa xirfado kala duwan, Waa
dufcaddii labaad oo tababar noocaan ah ay hay’adda SCERDO
uga furto xarunteeda Edmonton dhalinyarada Soomaaliyeed ee
da’da yare ee ku nool magaalada Edmonton ee gobolka Alberta.
Guddoomiyaha guddiga
fulinta hay’adda SCERDO Bashir Xaaji Cali (Jamaal), Jody oo
ah maareeyaha hay’adda BGS oo ah hay’ad si gaar ah loo
leeyahay oo qaabilsan shaqo u abuuridda dhallinyarada iyo
Dave Axander oo ah sarkaal ka socday wasaaradda shaqada iyo
Horumarinta ee dawladda dhexe ee Kanada ayaa u jeediyay
hadal dardaran ah dhallinyarada loo furay tababarka iyagoo
ku adkeeyay in ay ka faaiidaystaan fursaddan qaaliga ah ee
ay heleen si ay u helaan fursad ay ku helaan shaqo joogto
ama ay kusii wataan waxbarashadooda heerka sare.
