|
Madaxweyne Shariif Sheekh
Axmed oo sheegay in dalka dhawaan la keenayo Lacago cusub.
(Muqdisho, April 24, 2012 Ceegaag
Online)
Madaxweynaha dowlada KMG
Soomaaliya Shariif Sheekh Axmed ayaa sheegay in lagu howlan
yahay in dalka la keeno lacag cusub oo shilling Soomaali ah,
taasoo uu tilmaamay inaanay saameyn ku yeelan doonin
dhaqaalaha dalka.
Madaxweynaha ayaa meesha
ka saaray in lacagta cusub loo isticmaali doono ololaha
doorashada, wuxuuna xaqiijiyay inay la wareegi doonto
dowladda cusub ee lagu wado in la dhiso bisha August ee
sanadkan.
Madaxweyne Shariif ayaa
sheegay in bankiga dhexe ee Soomaaliya iyo wasaaradda
maaliyadda ay qorshe u sameyn doonaan lacagta cusub, ayna ka
shaqeyn doonaan sidii loogu beddeli lahaa tan hadda dalka
taalla.
Lacagta cusub ayuu
tilmaamay madaxweynaha in la siin doono shaqaalaha dowladda,
laguna saleyn doono miisaaniyadda dowladda Federaalka
Soomaaliya.
www.ceegaag.com
webmaster@ceegaag.com
|
