Khuburada
saadaasha hawada oo sheegay Roobabka Gu’ga ee
Bari Afrika laga filayo ay ka yaryihiin kuwii
sanadkii hore.
(New York, April 05, 2012 Ceegaag Online)
Roobabka gu'ga ee sanadkan oo meelaha qaarkood ka
curtay ayaa la filaya in ay ka yaraadaan roobabkii
hore ee Geeska Afrika laga filayeyey, waxaa saas
sheegtay hay'ad Maraykanku caawiyo oo u digta
wadamada Geeska Afrika.
Hay'adan ayaa faafisay in roobka sanadkan lagu
wado 60 - 85% taas oo keeni karta in dad badan u
baahdaan kaalmo raashin ah. Saadashii hore ay
hay'ada ayaa ahayd 75 - 105% iyada oo saadaashaas
la sameeyey bishii February ee sanadkan.
Waxa ay hay'adu tilmaantay in wadamada Soomaaliya,
Kenya iyo Itoobiya roobyaraantu saamayn ku yeelan
karto wadamadaas ayaa wali la rafaadsan
dhibaatadii ka soo gaadhay abaarihii sanadkii hore
ku habsaday.
meelo ka mid ah gobolada dhexe ee Soomaaliya ayaa
ku qaboobsaday bilowgii roobabka gu'ga, balse
gobolada kale ee dalka ayaan wali laga soo tabin
wax roob ah. Saadasha khubarada hawada ayaa
markasta u dhicin sida loo sheego iyada xogta
dhabta ahi tahay sida EEBAHA Qaadirka ahi doono.
Dhinaca kale
Roobka gu'ga Bari Afrika ayaa inta badan curta
inta u dhaxaysa dabayaaqada bisha March iyo
bilowga bisha April ee sanadwalba.
