Olalahan nadaafadeed oo ay ka qayb qaadanayeen ardayda wax ka barata iskuul ay dhigaan Hanaqaad iyo sidoo kale xoogsato aad u tira badan ayaa qashinka lagaga urruuriyay dhawr goobood oo qashinku ku badna oo kamid ah gudaha magaalada laascaanood. Sidoo kale olalahan nadaafadeed ee Daladu waday waxaa dhinac socday furitaanka Musqulo ay daladu ka dhistay qaybo kamid ah magaalada oo dad danyara deganyihiin.
Xaliimo oo kamid ah masuuliyiinta Dalada Haweenka
Hanaqaad ayaa ka warbixisay barnaamijkan iyadoo
Xaliimo sheegtay inay olalahan ay qabanayaan
markii 2aad taasoo ay daladoodu fulinayso isla
markaana ay maalgelisay Hay’ada NPA. Xaliimo sidoo
kale waxay ka warbixisay Suuliyo( Musqulo) ay
daladu ka dhistay xaafadaha dadka danyartaa ku
noolyihiin ee magaalada Laascaanood kuwaasoo sidoo
kale ay lacagta lagu dhisay ay maalgelisay isla
Hay’ada NPA.
Olalahan noocanoo kala ahaa ee ay ka qayb qaadan jireen Dawlada Hoose ee Degmadu balse olalahan saaka waxaa uu ku koobnaa dalada Haweenka Hanaqaad. Wuxuuna ku soo beegmayaa xilli lagu jiro xilli Roobaadkii Deyrta taasoo ay meelo badan oo magaalada kamid ah ay tuulanyihiin qashin aad u tiro badan.
Daladan Haweenka Hanaqaad ayaa inta badan waxay
xooga saartaa wax ka qabashada arrimaha hoose ee
bulshada Laascaanood iyadoo taageero dhaqaale ka
helaysa Hay’ada NPA xafiiskeeda Laascaanood.
Maxamed Cismaan C/nuur
laascaano
