Jaamacadda Nugaal oo
shir uqabatay Dhalinyarada Sportiga ee G/sool agab Sport
tina gudoonsiisay
(Laascaanod, Aug 28, 2011
Ceegaag Online)
Waxa maanta ka dhacay hoolka shirarka ee Jaamacadda Nugaal,
magaalada laascaanood shir aad u balaadhan oo ay kasoo qayb
galeen isuduwaha sport ga gobolka sool Jaamac khaliif ,Gudoomiyaha
Jaamacadda Nugaal Pro:Abdirizak Mohamed Aadan (lafoole) ,Gudoomiye
kuxigeenka Jaamacadda Nugaal Abdinaasir Mohamed Bare (Abusheybe)
,ururka midowga jaamacadda Nugaal University Student Union (Nusu)
,dhalinyarada kooxaha Sport ga ee ka dhisan magaalada
laascaanood maamulayaasha dugsiyada sare ee magaalada
Laascaanood iyo qaybo ka mid ah dad waynaha ku deegaanka
Kulankan oo ay soo abaabuleen Maamulka Jaamacadda Nugaal
ayaa u jeedadiisu ahayd sidii kor loogu qaadi lahaa tayada
Sport ga ee gobolka sool iyo sidii loogu wacyi galin lahaa
dhalinyarada gobalka inaan ciyaaruhu marnaba ka mashquulin
inay sii wataan waxbarashada.
Kulanka oo uu xidhiidhiye ka ahaa isuduwaha Sportiga
gobolka sool Jaama Khalif, dadkii ka hadlay madashada waxa
ka mid ahaa: Gudoomiyaha Jaamacadda Nugaal, Maamulaha
dugsiga sare ee Nugaal Secondary School , gudoomiyaha
midowga ardayda Jaamacadda, kabtanka ciyaaraha, qaar ka mid
ah dhalinyardii sportiga iyo qaar ka mid ah dad waynihii ka
soo qayb galay kulanka.
Dulucda hadaladii goobta laga soo jeediyey ayaa waxay ku soo
biyo shubanaysay:
·
Mahadnaq balaadhan oo goobta looga soo jeediyey Dr. Ahmed
Madar oo suuragaliyey inuu gobalka soo gaadhsiiyo agabkii
ugu badnaa dhanka sportiga ee gobalku helo intii mudo ahayd.
·
Wax isna mahad midaas la mid ah madasha looga soo jeediyey
Mustafe Mohamed oo ah muwaadinkii sameeyey xidhiidhka ay
yeesheen maamulka Jaamacadda iyo Dr. Ahmed Madar oo
deegaanka soo gaadhsiiyey deeqdan iyada ah.
·
In dhalinyaradu ay isku wadaan sportiga iyo waxbarashada
·
In la ilaaliyo anshaxa ciyaaraha
·
Inaan waqtiga oo dhan la gelin ciyaar kaliya ee waxbarashada
iyo horumarka deegaanka laga qayb qaato.
Dhanka kale waxaa manta halkaa lagu godoonsiiyay kubado uu
soo gaadhsiiyay Jaamacadda Nugaal mid ka mid ah qurba
joogta u dhalatay wadanka oo kunool dalka Norwey oo
magaciisa layiraahdo Dr:Ahmed Madar Ali ,Ahmed
dhakhtar ka shaqeeya dalka Norwey, ahna nin Sportiga
xiiseeya ayaa waxa uu soo gaadhsiiyay Jaamacadaa Nugaal deeq
kubado ah oo uu ugu tala galay in kor loogu soo qaado tayada
dhalinyarada Sportiga ee gobolka Sool.
Jaamac Khaliif oo ah isu duwaha sportiga ee gobalka iyo
maamulka jaamacadda Nugaal iyo maamulka dugsiyada sare ayaa
si wadajir ah halkaas ugu gudoonsiyey dhalinyarada gobalka
ee heerka (Sera A & Sera B) 9 kooxood oo ka jira gobalka
Sool magaalo madaxdiisa Laascaanood, waxayna kala ahaayeen
kooxahaasi sida hoos ku qoran:
·
Nugaal University Team
·
Lesco Team
·
Mubaarik Pharmacy Team
·
Star Team
·
Opec Team
·
Bayar Team
·
Kaah Team
·
Telesom Team
·
Gol KhaatumoTeam
Sidoo kale waxa agab sport oo ku badahaas ka mid la
gudoonsiiyay sadexda Secondary ee kuyaal magaalada
laascaanood ee Muuse yuusuf Secondry,Ilays Secondary
School iyo Nugaal Secondary School, waxana u gudoomay
Maamulaha Dugsiga sare ee Nugaal Secondary School Caaqil
Abdinaasir iidle
Dhanka kale waxa uu gudoomiyuhu gudoonsiyay 9 kubad oo uu u
gudoomay gudoomiyah Midowga aradayda Jaamacadda Nugaal
Shaafi Abdi Saleban. Iskuuladaasna waxa ka mid ahaa:
Magaalada Iskuulka sare ee
Boocame,Taleex,Xudun,Yagoori,Kalabaydh,Widh widh, iyo Goboka
Buuhodle oo iyana Laba Secondry kuyaalaan.
Waxa iyana xusid mudan in halkaas lagu gudoonsiiyey kubad,
xubin ka socotay bahda naafada ee gobalka Laascaanood.
Isku soo wada duuboo Jaamacadda Nugaal ayaa iyada ah mid had
iyo goor u taagan sidii ay kor ugu soo qaadi lahayd
horumarka bulshada kudhaqan gobolka Sool iyo nawaaxigiisa
qaybaheeda kaladuwan.
