Machadka Caafimaadka OTTI ee Magaalada Qardho oo Shahaadooyin Gudoonsiiyey Arday (Sawiro)

(Qardho, November 03,  2010 Ceegaag Online)

Xaflad si weyn loo soo agaasimay oo lagu qabtay hoolka D/hoose ee degmada Qardho ayaa waxaa shaahaadooyin lagu gudoonsiiyay arday muddo 6 (lix bilood) ah baranayay caafimaadka, waxaana ka soo qaybgalay marti sharaf ay ka mid ahaayen wasiirka caafimaadka ee Puntland, Pro: Cali C/laahi Warsame, gudoomiyaha degmada Qardho Maxamed Siciid Ciise iyo xubno ka socday ururada Bulshada rayidka ah.

Maamulaha machadka OTTI Maxamed Cabdulaahi (Hilaal) oo madasha ka hadlay ayaa tibaaxay inuu aad ugu faraxsanyahay in dufcadi ugu horaysay oo arday ah ay ka qalin jabiyaan machadka caafimaadka ee OTTI, Maxamed ayaa xusay muhiimada ay leedahay kor u qaadida cilmiga caafimaadka oo laf dhabar u ah bulsho kasta oo ku nool deegaan hagaagsan.

Sidoo kale wasiirka caafimaadka ee Puntland Prof: Cali C/laahi Warsame oo goobta ka hadlay ayaa balan qaaday inuu muhiimad weyn siin doono kor u qaadida waxbarashada caafimaadka, isagoo hoosta ka xariiqay inuu
gacan ka gaysan doono sidii kor loogu qaadi lahaa tayada machadka OTTI oo xarumo badan ku leh deegaanada Puntland.

Si kastaba ha ahaate dhamaan dadki halkaa ka hadlay oo uu ka mid ahaa gudoomiyaha degmada Qardho ayaa u mahad celiyay ardayda dhamaysatay barashada caafimaadka muddada 6 bilood ah, kuwaas oo tiradoodu
gaaraysay 35 arday, 29 gabdhood iyo 6 wiil.

Daawo Sawirada

webmaster@ceegaag.com