|
Yurub
oo marki ugu horaysay Maxkamadaynaysa Burcad badeed
Soomaaliyeed.
(Rotterdam, May
27,
2010 Ceegaag Online)
Shan nin
oo Soomaali ah oo looga shakisanyahay Burcad badeed ayaa
maxkamad uga bilaabatay maalinti talaadada ahayd wadanka
Netherlands, waana markii ugu horaysay oo wadan dhaca
qaarada Europe lagu maxkamadeeyo Burcad badeed.
Maxkamadaynta shanta nin ee Soomaalida ah ayaa ka bilaabatay
maxkamada degmada Rotterdam sidaasi waxaa warfidiyeenada u
sheegay Wim De Bruin oo ah afhayeenka xafiiska qareenada
qaranka Netherland.
Shanta nin
ee la maxkamadaynayo ayaa kala ah:
1-Axmed
Yuusuf Faarax oo 25 sano jir ah
2-Jaamac Maxamed Samatar oo 45 sano jir ah
3-Cabdirisaaq C/laahi Xirsi oo 33 sano jir ah
4-Sayid Cali Garaar oo 39 sano jir ah
5-Cismaan Muuse Faarax oo 32 sano jir ah
"Doonti
burcad badeeda waxaa burburiyay ciidamada bada ee Holland,
nimankan waa la soo qabtay waxaana gacanta ku dhigtay
xukuumada Holland, walina waxay u taaganyihiin maxkamad,
hadi kiiskaan ku cadaado ama ay qirtaan nimankaani waxay
mutaysan doonaan 9-12sano oo xabsi ah" sidaasi waxaa yiri
mar kale Wim De Bruin.
Maxkamada
Rotterdam dhexdeeda ayaa waxaa ka hadlay qaar ka mida ragi
falka burcad badeednimada loo haystay, Sayid Cali Garaar oo
indhaha ka ilmaynaya ayaa ku qayliyay "Hadii caruurtayadu
gaajoodaan yaa ka masuul ah?, "guryihiina ayaad hurudaan,
ana xabsi ayaan ku jiraa,wadan ma lihi, qoys ma lihi ".
Hase
yeeshe C/risaaq C/laahi Xirsi oo 33 sano jir ah ayaa qirtay
dambigiisa, wuxuuna cadeeyay inuu bada u aaday si uu usoo
afduubto maraakiib shisheeye, warar goos goos ah oo aan ka
helaynayo maxkamada ayaa cadeeyay in mid kale oo ka mida
burcad badeeda uu isna qirtay falka burcad badeednimada ah.
Isku soo
wada duubo nimankan Burcad badeeda ah ayaa la soo qabtay
bishii January sanadki 2009 iyagoo weerar ku haya markab ku
gooshayay calanka wadanka Holland,muddo ka badan sanad ayay
jireen xabsi ku yaala wadanka Holland, inkastoo dooda adag
ee meesha taala tahay xeerka ciqaabta ay mutaysan doonaan
hadiiba lagu helo dambiga burcad badeednimada.
Maxkamadaynta Burcad badeeda:
Wadamada
Faransiiska,Spain iyo Netherland waxay ahaayeen wadamada
kaliya ee yurub ku yaala kuwaasi oo burcad badeed ku haya
dhulkooda, hase ahaate Netherland ayaa noqotay wadanki ugu
horeeyay ee maxkamad soo taaga Burcad badeed.
Todobaadki
hore, wiil Soomaaliyed oo lagu magacaabo Cabdiwali
Cabdulqaadir ayaa maxkamada magaalada New York ku xukuntay
27 sano oo xabsi ah, ka dib markii uu ka badbaaday falkii
ciidamada Maraykanku ku toogteen saddexda nin ee burcad
badeeda ah 8-April-2009 kuwaasi oo afduubtay markab ku
gooshayay calanka wadanka Maraykanka, waxaana markabka
Americanka ah lagu magacaabi jiray Maersk Alabama.
Sidoo kale
Jaziirada Seychelles iyo Kenya ayaa gacanta ku haya 58
maxbuus oo burcad badeed ah, walina ma soo taagin wax
maxkamad ah, dowlada Kenya oo iyadu gacanta ku haysa 18
burcad badeed ah ayaan wali wax maxkamad ah soo taagin
sababo la xiriira kharashka maxkamadaynta oo aad u sareeya.
Jaziirada
Seychelles oo gacanta ku haysa 40 burcad badeed Soomaali ah
ayaan wali wax makamad ah soo taagin, mana jirto mid ka mida
burcad badeeda oo qirtay dambigiisa, sidaasi waxaa yiri
xoghayaha warfaafinta madaxweynaha Seychelles Srdjana
Janosevic.
Cabdirshiid
Maxamed Daahir
lacle1004@hotmail.com
webmaster@ceegaag.com |
