|
Dagaal Khasaare
nafeed gaystay oo ka dhacay Buuhoodle.
(Buuhoodle, May
21,
2010 Ceegaag Online)
Waxaa maanta
duhurnimadii buuhoodle ka dhacay dagaal u dhaxeeya
ciidamada Itoobiyaanka ah ee baryahanba ku sugnaa magaalada
Buuhoodle iyo ciidan-beeleed iyaguna baryahan ku urursanaa
magaalada buuhoodle oo ah dadka u dashay deegaankan.
Inta illaa hadda la tiriyay ee la soo qaaday ama dhaawaca
ugu dhintay cusbitaallada magaalada Buuhoodle ayaa ah illaa
10 ruux oo dadka deegaanka ah ,iyo 5 askari oo ethiopian ah
. waxaa kaloo la sheegay in labada dhinacba ay kala
qabsadeen maxaabiis inkastoo aanay caddayn maxaabiista la
sheegay in lakala qabsaday. Dhaawaca ayaa isna jira gaadhaya
illaa 17 qof oo ah dadka degaanka u dhashay.
Waxaa magaalada ka barakacay dadkii ku noolaa intoodii
badnayd iyagoo u qaxay dhinaca waqooyiga sida magaalooyinka
Sooljoogto, Hurufadhi, Ceegaag iyo dhilaalo.
Dhinaca kale ciidan aad u ballaadhan ayaa ku soo wajahan
magaalada Buuhoodle oo ka soo kicitimay gobollada ismaamulka
Soomaalida ee Bookh, Wardheer iyo Dannood iyadoo wararku
sheegayaan in ay guutadii ugu horraysay soo gaadhay
magaalada Boqonka oo hilaadda 7 kiiloomitir dhinaca
koonfurta kaga began buuhoodle.
Dhinaca kale,
Ciidamo Soomaaliland ah oo ay horkacayaan saraakiil iyo
wasiirro ka tirsan Soomaaliland oo u dhashay degaanka
Buuhoodle ayaa ku soo fool leh magaalada iyagoo horay saaka
waabarigii u soo qabsaday magaalada Widh Widh.
Wax waan waan iyo wadahadal ah ayaan hadda meelna ka socon,
iyadoo toddobaadkan shiarar badan oo ay galeen waxgaradka
deegaanka buuhoodle lana doonayay in lagaga hortago
dhibaatadan maanta ka dhacday Buuhoodle lagu fashilmay
laguna kala dareeray.
Dhinaca kale
ciidan-beeleedkii baryahan ku sugnaa Buuhoodle ee bilihii la
soo dhaafay ku sugnaa degaanka Dharkayn Geenyo ayaa dagaalka
Buuhoodle intaanu qarxin u ruqaansaday degaannada Dhoobo
Guduud iyo Dogoblle iyagoo halkaa kaga biiray ciidan-beeleed
ku wajahnaa degmada Widh Widh oo ay saaka qabsadeen
ciidamada Soomaaliland.
Wixii
faahfaahin ah ee ka soo kordha shaqaaqadan, kala soco
websiteka Ceegaag.com
webmaster@ceegaag.com |
