Dhalinyaradii reer Galdogob
oo Ciidamada Itoobiya sii daayeen
Waxaa hada magaalda Buuhoodle laga sii
daayay dhalinyaro reer Galdogob ah oo shalay laga soo
xidhxidhay deegaanka Dandan oo iska hor imaad ku dhex maray
qaarkamid ah maleshiyaadka deeganka Buuhoodle.
Saaka aroornimadii ayaa Ciidanka Itoobiya u
yeedheen Odayaasha reer Buuhoodle iyo kuwa reer Galdogob ee
ku sugan haatan Buuhoodle iyaga oo u sheegay inay ku waayeen
dhalinyarada ay shalay soo xidhxidheen danbigii lagu soo
eedeeyay ee ahaa inay ka mid yihiin kooxda Al-shabaab ee ka
dagaalanta Koonfurta Soomaaliya.
Dhinaca kale ninkii ku geeryooday Iska hor
imaadkii shalay ayaa wali la aasin iyada oo odayaasha reer
Galdogob ay ku adkeesteen in lakeeno cidii dishay ama
meel lasaaro dhiigiisa.
Amaanka magaalda Buuhoodle ayaa aad u
wanaagsan iyada oo aysan jirin wax xiisad ah oo ka taagan,
halka ay maamulka Buuhoodle ku mashquulsan yahay baadhida
sidii wax u dheceen iyo cidii ka danbaysay iska hor imaadkaa
shalay ka dhacay tuulada Dandan.
Wararka hawlahan ugu soo hagaag Ceegaag
Saacadaha soo socda....
